Projeck Team

Dr Joanna Kopaczyk is Senior Lecturer in Scots an English at the University of Glasgow. She is a historical linguist an haes presentit an publisht extensively oan the development, features an contexts o medieval an early modren Scots. She’s Chair o the Forum for Research on the Languages of Scotland and Ulster an Academic Officer of Oor Vyce.

Professor Bernadette O’Rourke is a sociolinguist thit warks oan minority leids, multilingualism an leid policy. She haes warkit extensively oan leid revitalisation ower Europe wi a focus oan ethnography o resistance, leid ideologies an leid activism.  She wis the leader o an EU COST Action (IS1306) New Speakers in a Multilingual Europe: Opportunities and Challenges. The New Speaker Network noo haes mair nor 300 memmers ower 28 kintras.

Jack Capener is a practicioner o Scots leid activism an Poleitical Officer o Oor Vyce, a ceevic associe campaignin fir the statutory recognition o Scots. He led the successfu campaign fir the Scottish National Party (SNP) tae adopt proposals fir a Boord fir the Scots Leid as pairty policy at the pairty’s autumn conference in 2019. 

Bruce Eunson is Scots Language Co-ordinator fir Education Scotland. He’s Board Memmer o Dictionars o the Scots Leid forbye, Council Memmer o the Centre for the Scots Leid  an Co-Convener o Shetland ForWirds . He haes led oan the development o the Scots Language & Culture coorse fir Open University in Scotland. He’s a screiver, poyet an a filum-makker. 

Louis Coeyman is a SGSAH-funded PhD resaircher at the University o Glesgae. He has strang resairch interests in minority leids and endangered leid revitalisation. He leuks at the Scots leid revitalisation for his PhD thesis, in collaboration wi Education Scotland, an has conducted resairch on Picard in France.

Thanks tae Emer Tumilty frae icecream architecture fir makin illustrations an graphics.